2. viestule / Vieja patmaļu ceļš

Vasali!

Kai jau īvodā sūleits – raksteišu gon latvyski, gon latgaliski. Tys tai, kab nazaudātu formu. Niu kuorta latgaliskajam.

Vaicuosit, deļ kuo itei viestuļu vīta saucās Vieja patmaļu aba Vējdzirnavu ceļš, tod atbiļde byus eisa – taidā īlā dzeivoju. Ka zini, kur ir Londona, tod 50 jiudzis (80 km) iz rītumim ir piļsāta Redinga (Reading) i nu tuos 12 km iz DR ir mīsteņš Mortimer (Mortimer Common), kurymā tod ir tei muna īla.

Kai poša pasasmeju – nikur tuoli naasu tikuse. Ari Reigā ap paksi beja Patmaļu (Dzirnavu) īla. I taipat kai Āgenskolna prīžu laikā prīžu nūsaukums beja viņ viesturiska līceiba par senejim laikim, tai i niu vieja patmalis tyvumā nav radzātys.

Itymā karteņā ir sāta, kurymā dzeivoju. Muns lūgs – ūtrā stuovā pa labi. Ir duorzeņš, ir garaža, ir satelita škeivs, ir metala vuorteni – vyss kas vajadzeigs i šmukumam, i praktiskai dzeivei. Muosa sepinej, kai vosorā stateis pučis i byus šmuki. Byus gon.

Vejdzirnavu cels vejdzirnavu cels

Cikom muna dzeive taida mīreiga, naīrosti mīreiga – padoru Latvejā da gola nadadareitūs dorbus, raugu īsadzeivuot i saprast/aprost ar iteinis parādu (kuorteibu). Nu cytom ceļa pusem, jiudzem, mārceņom, pādom i vysim cytim breinumim drupeit mežgejuos smadzani, bet pi vysa var pīrost. Pyrmajā dīnā atrodu sev vītu muosys ustobā. Salyku vysu pa kasteitem, saskryuvieju plaukteņus i kekseišus. I tys lyka sasajust daudzi lobuok, deļ tuo, ka suokumā jau skumis ir cīši lelys.

Tyvuokuo leluo piļsāta ir tei poša Redinga, kur šudiņ ar muosu bejom iz banku, kab suoktu munu dzeivi ite ar jaunu konta numeri. Cikom nadeve, pasceja, ka nu suoku vajag dorba. Pi tuo i Nacionaluo apdrūšynuošonys numera tod tiks struoduots tyvuokajā laikā. Juosoka lels paļdis muosom, kas jau itam vysam guojušys cauri i maņ vaira galeigi ar tū tod nav gryuts – juos pastuosta kas pa kam i daudzi padora munā lobā.

Vēļ vīns steidzamais aizdavums ir volūda. Angļu volūdys munā dzeivē ir bejs gona daudzi ari Latvejis kasdīnā, nu ite tys nav skaiteit kūnaviņ gruomotā ci škārsteiklā i dzīsmis klauseitīs ci ar uorzemu paziņom pasarunuot. Drupeit ir juoīspryndzynoj smadzani, kab vysu da gola saprostu. Vakar pa televizoru guoja šovs, kur runuoja Skotejis ļauds – tāņ saprūtu, kai tys ir, kod latvīts rauga saprast latgaliski.

Taipat juorauga pīrost pi tuo, ka veikalā, iz īlys, autobusā i kur tik vēļ nā ļauds jau par kilometru bļaun „Sorrrīīī!”. Itys taids pretstots Latvejis sirdeigi-gryusteigajim cylvākim. Es poša jau ari lobuok nazkai izlavīreju cauri cylvāku pyuļam na kai nūsabļaunu „Sorrīī”, bet nu laipneiba juoīsavuica, i muosys vīna nu pyrmajom pavuiceibom itymā dzelā beja „Acim vyslaik juobyut gon prīškā, gon aizmugurē, lai kaidam napatraucātu!”

Sorrīī tim, kam gryuts ar saprasšonu, bet gon jau apleik ir kaids latgalīts, kas var puormeit raksteitū. Ka nav, tod varu īdūt kontaktus.

Meili sveicynoju nu Vieja patmaļu ceļa.

E!

PS Ka izīt gribiešona atraksteit kūnaviņ cītā formatā, adresu vaicuot edite.husare@gmail.com

Advertisements

3 thoughts on “2. viestule / Vieja patmaļu ceļš

    • Tāda laba laikam nebūs gan :( Ja piecos vārdos, tad: te es dzīvoju, pagaidām pārāk mierīga dzīve, bankā neiedeva konta numuru – sākumā vajag darbu, iekārtoju sev vietu māsas istabā, mācos saprast angļu angļu valodu un jāmācās būt pieklājīgai un pa kilometru tāpat kā citiem bļaut “sorrīī!” :)

  1. Nu, Edeit, nav gan tā, ka skotu vs. angļu un latgalīšu vs. čiuļu runa ir viens un tas pats… :D

    Vysu cīši labi var saprast. ;]

Komentēt

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Mainīt )

Google+ photo

You are commenting using your Google+ account. Log Out /  Mainīt )

Twitter picture

You are commenting using your Twitter account. Log Out /  Mainīt )

Facebook photo

You are commenting using your Facebook account. Log Out /  Mainīt )

Connecting to %s