4. viestule /Škūrstynā gaudoj viejs

Vasali!

Ka tai pasaver, tiuleņ byus apleik nedele kai asu cytā zemē. Sovaiži. Koč ir sajiuta, ka laiks nazkaids garuoks bejs. Varbyut deļ tuo, ka leluokū daļu dīnys dzeivoju sātā i kai dzeraunis babeņa dzeivē verūs caur lūga ryuti. „Pasaver, pasaver – a kas ta tī taids tāņ aizguoja?” sižets.

Koč pa tū pošu lūgu ite cīši labi izaver, ka tiuleņ, tiuleņ kluotu byus pavasars, vys tik apleik drupeit solts. Tys deļ tuo, ka ite sātom pašvaki ar kurynuošonu. Ari myusim. Maņ ir pasaveics, ka munā i muosys ustobā ir radiators i var sasasiļdeit. Itūnedeļ tyka izceineits škūrstyns i niu tī naviņ labi gaudoj viejs, nu ari vokorūs puortā sprakstinej guņs. Vakar tei poša puorta padareišona nese prīcu – tyka atvasta molka, kurū vājadzieja sanosuot pi škiuneiša i salikt grāduos. Kaida maņ beja prīca par kaidu taidu fizisku dorbu! „Mollllkkkāāāāāā!” Ka sovulaik bierneibā na cīši patyka itys dorbs, tod jau tymā laikā, kod suoču dzeivuot Reigā, kotru reizi, kod laukūs beja molkys dorbi, maņ tys tai patyka!

skurstenis

Malka_

Dorba stidzenis cikom vēļ naasu suokuse īt, tys dorbs vēļ juoatrūn. Koč ari nu suoku ruodejuos, ka vyss jau ir, tik juoatbrauc, dzeive sadareja pa sovam. Nu nikuo – CV pa angļu mūdei sastateits, datu bazis apzynuotys. Par reizi gon ite divejis dzeivis vuiceibys – vajadzieja vuiceitīs kū ta praktiskuoku dareit, deļ tuo, ka ar praktiskom zynuošonom ite vīgļuok var atrast dorbu, i ūtrei – ceņteiguok vajadzieja vuiceitīs volūdu. Nu niu maņ byus i jau ir vysu lobuokuo dzeivis i volūdys škola. Piļneigi taida situaceja, ka kur vēļ lobuok – īspieja dzeivē otkon suokt vysu nu jauna! Tik saprast vajag, kū i kai gribīs.

Bet nu cikom taipat gona i atrūnu, kū dareit. Vēļ Latvejis dorbu i darbeņu saroksts juodadora. Ite vīns, pīmāram. Koč ari nikur tuoli ar sovom amaterprasmem i spiejom plakatu dizainā naasu tykuse, vīna kasgadejuo dzela ir itys plakats. 24. februarī vysi iz Boņuku! Pastuosteisat, kai beja i guoja.

BONUKS 2012 afisha

Aiz muna lūga ari vokors atguojs.

Prīceigi Jiusim tī!

E!

Advertisements

One thought on “4. viestule /Škūrstynā gaudoj viejs

Komentēt

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Mainīt )

Google+ photo

You are commenting using your Google+ account. Log Out /  Mainīt )

Twitter picture

You are commenting using your Twitter account. Log Out /  Mainīt )

Facebook photo

You are commenting using your Facebook account. Log Out /  Mainīt )

Connecting to %s