8. viestule / Gavieņa laiks

Vasali Palnu dīnā!

Navā maņ nivīnys mozys palnu kuleitis, kū dacepēt jiusim pi džemperu molom kai seņuok pamatškolys laikūs meiluokajim školuotuojim, bet ir nazkai īdvasma raksteit jaunu viestuli. Varbyut reizē na viņ cytim, bet ari sev.

Leidza ar Palnu dīnu atīt ari 40 dīnu garais Gavieņa laiks. Kai var smīt – kotram sova ticeiba, kotram sovi svātki i kotram sovs Gavieņs. Jau kurū godu tradicionaluo gale byus muna atsasaceišona ar pyrmū kuortys numeri (deļ tuo, ka tys vīgli), nu ari jau kurū godu raudzeišu iztikt bez soldanumu. Itys maņ pošai ir vysu leluokais puorbaudiejums deļ tuo, ka dzeive bez šokolada byutu nu tik daudzi ryugtanuoka. Nu nikuo, pārn izturieju divejis nedelis, pyrma tam raudzieju sevi muoneit, ka naādu pošys pierktūs soldanumus, a cyti var maņ dūt kai gastinci. Itūgod izlikts otkon lelais TABU. Niu jau zynu, ka byus gryuši, deļ tuo tikkū taišni pyrma pusnakšu apiežu padejū gabaleņu Aizgavieņa dīnys soldonūs „izvirteibu” (sveicīņs RUMUMUMS!). Bals golā. Dreikst mani itymā laikā vysaiž podturēt, kab ir spāks tam Nalobajam gūdam preteimā stuovēt.

Aizgaviena Popcake

Tys, nu kuo vēļ atsasaceit – kotram pošam iz sirds (ci vādarā). Vysmoz maņ tys vaira ir izaicynuojums atsasaceit nu tuo, kas vys tik ir kasdīnys kārdynuojums i bez kuruo (vysmoz tik daudzi) varātu iztikt. Puorbaudeit sevi. Voi tod maņ slabo? Vīnu godu atsasaceju ari nu socialūs portalu prīcom (ci laika pazudynuošonys). Pārn navarieju dorba deļ (Zemis stuņdis informativī pīnuokumi). Itūgod taida škieršļa vaira navā, bet niu pošai nazkai nasagryb. Byutu par daudzi skumi nazynuot, kai jiusim tī vysim īt. Ziņu portali i socialī teikli ir leluokais informativais tylts iz Latveju i pagaisynuot pusi nu tuo byutu dyžan skumi. Cikom par jiusim naroksta zam lelim viersrokstim ziņu agenturys (varbyut pa kaidam izjāmumam), tikom atsasaceišonys svešuos zemēs nu socialajim teiklim Gavieņa laikā nabyus.

Voi byus kaidys atsasaceišonys ari ūtrā pusē? Es rikteiga buobeņa, maņ gribīs vysa i daudzi zynuot.

Lai tod īt tys lomku laiks!

E!

Advertisements

Komentēt

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Mainīt )

Google+ photo

You are commenting using your Google+ account. Log Out /  Mainīt )

Twitter picture

You are commenting using your Twitter account. Log Out /  Mainīt )

Facebook photo

You are commenting using your Facebook account. Log Out /  Mainīt )

Connecting to %s