12. viestule / Puorguojīņs

Vasali!

Jau raksteju, ka vīnu dīnu apstaiguoju leluoku apleicīnis teritoreju i atrodu stidzeņu karti. Tod nu vajadzieja puorbaudeit i nūīt apsavārtu, kas tymā stygā ir! Pīrunuoju muosu, pajiemem suni leidza i guojom. Ite gon švaki tymā kartē radz, bet nu tī ir diveji leluoki maršruti, mes guojom pa tū, kas ir iz Z nu “You are here”. Nu, vysmoz raudzejom īt.

Karte i “ir varianti”!

Suokys vysam jau natuoļ nu sātys. Izaver interesna i tai viņ gribīs īsasaukt – “I pīdzeivuojumi var suoktīs!”

Ceļš ite viņ tim, kurī kuojom

Guojom, guojom i pieški suocēs leli dubli. Nu suoku verūs – izaver, ka gūvs dzeitys. Īsaveru cīšuok – nā, zyrgi!

Itī te! Atsakluoj, ka ite nazkaida ferma. Muosa atpazyna vītu, izaruod, ka ite nazkai nazkod ir bejuse, koč ari beja dūmuojuse, ka byus tymā stygā kas ni sviežs.

Ka pasaver atapakaļ, izaver šmuki!

Itys kai sveicīņs Juoņam! Mežs ir i grīztī calmi ari ir.

Īsapazeistit – puorguojīnā guojieji (nu keiruos): Edeite, Cassie i Sanita

Kaidam pazuduse guļteņa!

O, pasaver, pasaver – meža koza!

Atsagrīsšona Mortimer. Nabeja dūmuots, ka pa itū ceļu. Saguoja tai, ka nazkur maršruta vydā navariejom da gola saprost karti i aizblūdejom na tī. Izdūmuojom, ka cytu reizi suoksim īt nu ūtruo gola. (I maņ iuzys kuojuos! Nasabeistit, viņ izjāmumu gadejums).

Ite ir bejs suņs!

Suņs ar kači īnaidā! Kasejai namīrs pruotā, kūkam kačs zorā.

Naspieju palaist garum nivīnu informacejis stobu. Pai, byus pavasara tolka ari ite.

Sābru mūdruo acs naguļ!

Ot, itai mes guojom puorguojīnā. Puse ceļa kai vajag, puse na tī, bet vysmoz prīca par vēļ gabaleņu īpazeitys apleicīnis. Vysu smīkleiguokais, ka ūtruo muosa, piec myusu atsagrīsšonys sātā, aizguoja paskrīt. Piec kaidys stuņdis suocem meklēt i, nui, ari jei aizblūdiejuse na tī, kur vajag. Taida blūdiešonys dīna.

E!