14. viestule / Par atbraukšonom, braukšonom i aizīšonom

Navarieju saprast – prīceigu ci skumeigu likt, deļ tuo vīnkuoršs – sveicīņs!

Aizvakar beja prīceiga satraukuma dīna – atbrauks muns pyrmais gosts! Vitai pieški saguoja braukt iz Glosteru (Gloucester) i atpakaļ ceļā vīna nakts ar nūstuošonu Mortimer. Nu prīca i vēļ leluoka prīca! Sagaidieju, pabaruoju, izklaidieju ar sarunom i kinu, bet vakar nu reita agri devemēs iz Redingys pusi, lai ir ari kaids kekseits „koč kū redzieju” aileitē. Poša pa itū laiku Redingā beju ūtrū reizi (tys ir 13 km nu Mortimer), bet nu Redinga vysu tycamuok, ka reitu byus peļnejuse poša sovu viestuli i stuostu jiusim par tū, kas tei taida ir. Aizmiersu izdrukuot kartu, deļ tuo vajadzieja pasaļaut iz Vitys telefonu i atguoduošonys spieju. Es vēļ švaki orientejūs bez paleigleidzeklim. Piļneigi gryuts apraksteit, cik breineiga sajiuta, kod vari na viņ raksteit i klauseitīs, nu ari pats kū ta runuot latgaliski. Tik žāļ, ka dreiži beja laiks tam 26. autobusam, kas jū nūvede paceli, kab paspātu vēļ vokorā padoncuot „Dabasu Durovu” ritmūs Reigā.

Vita Redingaa (1 of 39)
Temza ari Redingā

Vita Redingaa (14 of 39)
Vitaaaaa!

Vita Redingaa (19 of 39)
Vīšnis zīd!

Vita Redingaa (36 of 39)
Palic vasala!

Vita Redingaa (37 of 39)
Tī jei aizbrauc!

Vita Redingaa (39 of 39)
Atguoju iz sātu i pai, ari pi tyvejuo stoba sābru tiemeiguo acs!

Vakar myusu sātā teoretiski beja svātku dīna – Klaivam dzimšonys dīna, par kurū līceibys niu ir viņ lelu apsveikuma karteņu veidā. Apsveikuma kartenis ir tei dzela, kas ite īt iz urrā. Vysu gryušuok – atrast kaidu vīnkuoršu, kur nikas nabyutu jau pīraksteits, leluokajā daļā gona tik izklikt sovu vuordu i var syuteit ci duovynuot. 10. martā Anglejā svieteis Muotis dīnu, i tod ari ituos temys karteņom veļteitys skaudžu skaudzis. Svātku nūskaņa gon moza saguoja, tehniskys nabyušonys ar juo poša mašini, tod vokorā daguoja atsacerēt jauneibu i pa tymsajom (guņs ir viņ nu sātu lūgim i pogolmim) Mortimer īleņom stumdeit ari muosys mašini, kas pieški vaira „nalēce”. Varātu pasalikt – koč kaids seikums mašine, nu ite pa lelam ir tai: navā mašinis, ir lelys problemys. Sabīdryskais naīt iz vītom, kur ir dorbs i, ka īt, tod cīši reši, vītejais veikals ir tik mozs, ka navar nūpierkt vysa, kuo vāga i taidā gorā („gondreiž kai Latgolā” i „ite Tev na Reiga!”). Bet nu šudiņ vysmoz vīna mašine dabuota pi dzeiveibys i muosa mīreigi varieja tikt iz dorbu, bet Klaivamvys tik daguoja palikt sātā.

Vokorā pa televizoru guoja vairuoki raidejumi, kas veļteiti legendarajam Džonejam Kešam (Johnny Cash). Izaruod, jam 26. februarī byutu bejuse dzimšonys dīna. Drupeit tai skumeigi palyka i tod – tod vēļ pieški viests par Imanta aizīšonu… ir taidi Dīva syuteiti ļauds, kuri ruodīs, ka pīdar (nasaverūt iz tū, ka nivīns nivīnam napīdar) kotram nu myusim. Jis taišni taids beja. Deļ tuo ari skumi vēļ vaira. Maņ puora šaļts dzeivē pīderieja „Šī ir melna pasaka, šī ir tik melna pasaka, ka neko nevar redzēt!”.

Tod nu itūreiz atsavodu ar Džoneja dzīduojumu.

„Everyone I know
goes away
In the end”

Advertisements

3 thoughts on “14. viestule / Par atbraukšonom, braukšonom i aizīšonom

  1. Paļdis, Edeit! :) Sajutu eistynu Latgolys cylvāku syltumu vēļ Anglejī asūt.

    Tai ir ar tom sajiutom – nūtykumi tai kai neitrali, nūzeimi i viertiejumu pīškiram mes, atkareibā nu kurys pusis pasaveram.

Komentēt

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Mainīt )

Google+ photo

You are commenting using your Google+ account. Log Out /  Mainīt )

Twitter picture

You are commenting using your Twitter account. Log Out /  Mainīt )

Facebook photo

You are commenting using your Facebook account. Log Out /  Mainīt )

Connecting to %s