22. viestule /Pavasars atcalts

Nu tai – vasali!

Pavasars atcalts ari ite. Šudiņ aiz lūga uorā snīgs. Švaks jūks, cīši švaks!

pavasaris nav (1 of 1)

Kai pi nu A da Z breivys dīnys atsasiedu pi sovim nadadareitajim dorbim i nr. 1 tys ir dzīsmis i klade. Tod puora vuordi nu muosys pusis i otkon maņ ryugtys osorys. I kai reizi dzīšmu vuordu ryndā pasatruopeja Franča Kempa dzejūļs, kas niu atsamūds Alda Kisis dzīduojumā (seikuokā izmekliešonā izaruoda, ka saīt Sandrys Mežuoris muzyka).

Francis Kemps
Aizmiersta dzimtine

Pasoki, bruoleit, kur syltuoka saule,
Kur pučeites skaistuokas zīd;
Kur sirsneibas vairuok, kur meiluoki vuordi,
Kur meitines skaneiguok dzīd?

Pasok’, kur gorduoka maizeite malna,
Kur osorom ryugtuma nav?
Kur skaidruokas sirdes, kur teiruokas jiutas,
Pasok’, es aizmiersu jau!? –

– Voi aizmiersi, bruoleit, ka dzimtines saulei
Kai eistynai muotei vysmeiluoks ir vuords;
Ka dzimtines dzaltonem teiruokas sirdes,
Jūs pučem vysduorguokais smuords!

Voi aizmiersi, bruoleit, ka dzimtines kliepī
Tev bādas kai jiureņuos grymst;
Ka dzimtines maizeite vīnumār gorda,
Ka sirds tik vīn dzimtinē rymst.

/1906/

Nu deļkuo, deļkuo es nazynu, kai pareizi juodzeivoj? Pīdūdit, ka jiusim juoskaita ari par munom sirdsbādom, bet nav nivīna, ar kū maņ ite par tom parunuot…

E!

Advertisements

7 thoughts on “22. viestule /Pavasars atcalts

  1. Nu nikuo, ite ari snīgs šudiņ purynuoja nu dabasu, solts i rībeigs. Peilis plēsēs ap sakoltušū maizi, upei nūlaists iudiņs i smirdēja krosti. Buoleleni šturmej lelveikalus i pierk zemi i primulys, jūkoj par latvīšim kai zemnīku tautu i par cereibu sēt i stateit pat itaidā lada laikmatā. A lada to – bože moj. Nazynu, kod tys vyss vyspuor var izalaist – na snīgs, a lada kluči i taida nareala gorūza vysur. Braukt ar ritini naspeid tyvuokajā laikā, ka nagryb nūraut iz nuošu…

  2. Edeit, Tu esi breivpruoteigīs trimdinīks i dzimtine Tev ir atvārta i Tevi gaidūša, voi tys nav sirdi syldūši? Un Ilzei taisneiba, dzimtinē tagad ir puoruok solts. :) Vakar ar BH bejom puorguojīnī Kemeri -Kūdra i, uzkuopjūt uz Slūkys azara, lykās, ka Ladus laikmets kluot. Puiši mātuojās ar sasolušim ladus klučim un man beja sajiuta, ka tiuleit azara lads drikkss drikss saplaisuos i saškels pasauli divuos daļuos. Nu tei sajiuta kotrā gadiejumā nav taida, ka piec nedelis Leldinis. :)

  3. Koč kaids sovpateigs mienesnīka stuovūkļs? Vysim vysapleik atguojušs dūmys par dzeivi, kaids jāgs dzeivuot, deļ kam struoduot i dareit? Nivīns jau naatsaceis iz itim vaicuojumim…
    Ka vys tik kaidam saīt dazynuot, pīrokst i maņ! :)

  4. Dzeive tak myusdīnuos sadaleita krīzēs. Kotram vacumam sava krīze. Ja vajag jāgu, vīna nu versejiom ir: deļ tam i juodzeivoj, lai puorvarātu krīzis :). Kū trokuok puorvarej, tū lobuok! :)

Komentēt

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Mainīt )

Google+ photo

You are commenting using your Google+ account. Log Out /  Mainīt )

Twitter picture

You are commenting using your Twitter account. Log Out /  Mainīt )

Facebook photo

You are commenting using your Facebook account. Log Out /  Mainīt )

Connecting to %s