24. viestule / Leldīne Nr. 2

Vasali!

Vakar raksteju par tū, ka maņ cikom Leldīnis navā. Tod nu šudiņ raudzieju koč drupeit, bet dabuot ari sovā sātā. Seipulu mizys nasakruoju, deļ tuo izvuorieju ūlys i dūmuoju, ka apkruosuošu ar muosys nogu lakom, kas ustobys paksī plaukteņā stuov i naasu redziejuse, ka jei cīši lītuotu, i kluot dalepēšu nazkaidys zalta zvaigzneitis, kas tī pat rādā stuov (latvīts praktiskais, you know!). Bet Klaivs nu škapa izvylka flomasterus i nūdūmuoju, ka derēs viņ i tī poši (labi, ka tai – stuoseju muosai par sovim nogu laku planim i, ka byutu tuos izmontuojuse, maņ nabyutu labi izguojs, he, he). Naivisma stils i geometreja. Ta-dā – raibuos Leldīnis ūlenis ari maņ!

Lieldiena (1 of 3)_640

Tū pa labi vīnu izkruosuoja Klaivs – vīnā golā (sorkonais) Anglejis karūgs, ūtrā Skotejis. Ūlu kāčuošonā stypruoka izaruodeja Skoteja. Atguoja muosys nu dorba i jom ari prīca par Leldīni myusu sātā.

Tod vēļ izdūmuoju izcept tortu. Nu taidu, kai mama cep, nu tik tai, kai bārnim vaira pateik. Mozuok meiklis (tik div pluonys biskvita kuortys) i vaira gorduo vuoreituo krema (na viņ viersā, nu ari storp tim biskvitim). Kārdynuošonai i īdvasmai karteņa studejā!

Lieldiena (3 of 3)_640

Vēļ šudiņ gribieju atrast eipašuos šykalada ūlys, bet cīma veikalā nabeja. Vysu pyrma Leldīnis laiku pa televizoru reklamieja šykalada ūlys ar meikstu šykalada kremu vydā i leidza mozu luoškeņu, ar kurū tu kremu gordai apēst. Tai kai maņ beja gavieņs, tod itū es sev apsūleju Leldīnē paraudzeit. Bet nu nabeja lamts. Kai piečuok muosa pastuosteja – juos ar kolegem dorbā ari gribiejušys paraudzeit, bet, izbraukuojušys treis lelveikalus, tai i naatroda. Gon jau cyti vysys ituos ūlys apāduši. Nu lai i teik!

Jiusim kab teik eisa dorba nedeļa i kab beidzūt atlein tys pavasars!

E!

Advertisements

4 thoughts on “24. viestule / Leldīne Nr. 2

Komentēt

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Mainīt )

Google+ photo

You are commenting using your Google+ account. Log Out /  Mainīt )

Twitter picture

You are commenting using your Twitter account. Log Out /  Mainīt )

Facebook photo

You are commenting using your Facebook account. Log Out /  Mainīt )

Connecting to %s